Condiciones de uso

Condiciones d'usu particulares

El Conceyu d'Uviéu (d'equí p'arriba, Conceyu), establez les siguientes condiciones particulares d'usu del Sitio Web www.oviedoparticipa.es (d'equí p'arriba, Sitiu Web).

1 ACCESU AL SITIO WEB Y REXISTRU PA PARTICIPAR

La consulta de la información publicada n'esti Sitiu Web se realizará de forma anónima. Siendo necesariu tar rexistráu nel Sitiu Web, pa participar activamente en relación a les propuestes.

El procesu de rexistru ye gratuitu, estableciéndose como únicu requisitu ser mayor de 16 años y introduciendo nel formulariu d'alta los siguientes datos:

  • Nome d'usuariu
  • Corréu electrónicu

Pa tramitar el procesu d'alta va ser necesariu que l'usuariu acepte les presentes Condiciones.

L'usuariu va poder dase de baxa en cualquier momentu del Sitiu Web siguiendo los pasos establecíos nel estremáu "Xestión d'usuarios".

2 ACTUACIONES DEL USUARIU NEL SITIU WEB

L'usuariu va poder interactuar y participar nel Sitiu Web de les siguientes formes:

  • Crear propuestes que van ser publicaos automáticamente. L'usuariu va poder abrir una o más propuestes.
  • Realizar comentarios nes propuestes del restu d'usuarios.
  • Sofitar les propuestes creaes polos usuarios. Cada usuariu solo va poder sofitar una vegada a una mesma propuesta.

Nun s'establez llimitación en cuanto al númberu de comentarios o propuestes a presentar polos usuarios.

3 USU RESPONSABLE DEL SITIU WEB

El Sitiu Web ye un puntu d'alcuentru que'l so oxetivu ye aldericar, y compartir y valorar propuestes rellacionaes cola meyora de la ciudá, los usuarios tán obligaos a facer un usu dilixente y acorde a dichu oxetivu.

El Conceyu nun va ser responsable del usu incorrectu que puedan realizar los usuarios del Sitiu Web, yá sía polos comentarios realizaos o pol conteníu xubíu, siendo cada usuariu responsable del so usu correctu y de la llegalidá de los conteníos y opiniones que compartiera.

El Conceyu acútase, poro, el derechu a llindar l'accesu al Sitio Web d'opiniones, informaciones, comentarios o documentos que los usuarios quieran incorporar, pudiendo instalar filtros con esi envís. Tou ello realizaráse namás mientres tenga'l fin de caltener l'oxetivu fundamental del Sitio Web.

Queda prohibíu utilizar el Sitiu Web pa fines distintos a los d'aldericar, compartir y valorar propuestes, y específicamente:

  • Publicar cualquier conteníu que pueda ser consideráu como una vulneración en cualquier forma del derechu fundamental al honor, imaxe y intimidá personal y familiar de terceros o contra la dignidá de les persones.
  • Publicar imaxes o fotografíes que recueyan imaxes o datos personales de terceros ensin llograr l'oportunu consentimientu de los sos titulares.
  • Publicar cualquier conteníu que fraye'l secretu nes comunicaciones, la infracción de derechos de propiedá industrial y intelectual o de les normes reguladores de la protección de datos de calter personal.
  • Reproducir, distribuyir, compartir conteníos, informaciones o imaxes que fueren puestes a disposición por otros usuarios ensin l'autorización espresa d'estos.
  • Usu del Sitio Web con fines de publicidá.

La realización de cualesquier de los anteriores comportamientos va dexar al Conceyu suspender temporalmente l'actividá d'un usuariu, inhabilitar la so cuenta o borrar el so conteníu, ensin perxuiciu d'otres responsabilidaes que puedan ser reclamaes.

En casu de que'l conteníu introducíu polos usuarios incorpore un enllaz a otru sitio web, el Conceyu nun va ser responsable polos daños o perxuicios derivaos del accesu al enllaz o a los sos conteníos.

En casu de pleitu de cualquier clase o por cualesquier motivu ente los usuarios del Sitiu Web y/o un terceru, el Conceyu va quedar exentu de cualquier responsabilidá por reclamaciones, demandes o daños de cualquier naturaleza rellacionaos o derivaos del pleitu.

4 INFORMACIÓN PUBLICADA O UNVIADA POLOS USUARIOS

Les presentes Condiciones regulen los términos aplicables a la información publicada nel Sitiu Web o unviada al Conceyu polos usuarios. L'usuariu queda informáu de les siguientes condiciones:

  • Espectatives de confidencialidad: Tol conteníu publicáu pol usuariu nel Sitiu Web tendrá de ser susceptible de ser conocíu pol públicu polo xeneral. Poro, el Conceyu va tratar el citáu conteníu como información non confidencial.
  • Información unviada al Conceyu: Naquellos casos nos qu'un usuariu unviara al traviés del Sitiu Web información al Conceyu, dicha información nun va tener calter confidencial, sacantes que dambes partes envaloren la necesidá d'intercambiar información de calter confidencial y nesi casu va roblase el correspondiente Alcuerdu de Confidencialidad.
    Si'l Conceyu tuviera interesáu na información unviada pol usuariu podrá ponese en contactu con ésti pa poder solicita-y información adicional. Sicasí, el Conceyu nun adquier nengún compromisu de ponese en contactu con tolos usuarios qu'unvien información al Conceyu al traviés d'esti Sitiu Web.
  • Derechos de Propiedá Intelectual y Industrial: La información publicada nel Sitiu Web por parte de los usuarios tendrá axustase a lo establecío nel apartáu Derechos de Propiedá Intelectual y Industrial" establecíu nes presentes Condiciones.
  • Publicidá o espardimientu de los conteníos presentaos: Los usuarios d'esti Sitiu Web declaren conocer y aceptar el fechu de que la información apurrida va poder ser publicada nes páxines web del Conceyu, mesmo qu'al traviés d'otros medios que la corporación local considere oportunos pa dar a conocer esta iniciativa.
  • Devolución de la información o conteníu: El Conceyu escarez d'obligación dalguna de devolver la información o conteníos unviaos polos usuarios.
  • Procedimientu d'avisu y retirada: El Conceyu va procesar los pidimientos d'eliminación o retirada de la información publicada polos usuarios qu'incumplan les condiciones d'usu establecíes nesti Avisu Llegal. Cualquier persona, cola debida motivación puede solicitar la retirada d'información cuando esista un incumplimientu de les presentes condiciones d'usu. El Conceyu acútase'l derechu de facer les comprobaciones o verificaciones oportunes con calter previu a la retirada de cualquier conteníu.
5 DERECHOS DE PROPIEDÁ INTELECTUAL Y INDUSTRIAL

L'usuariu qu'apurre la información o conteníu declara, cola aceptación de les presentes Condiciones, ser titular de los derechos de propiedá intelectual y/o industrial o ostentar derechos abondos sobre dichu conteníu y qu'amás lo unvia al Conceyu de forma voluntaria pa la so divulgación nel Sitiu Web.

La titularidá de toos y cada unu de la información o conteníos presentaos que s'atopen protexíos o sían susceptibles d'atopase protexíos, pol Derechu de la Propiedá Industrial y Intelectual, correspuende a los autores y/o titulares de la mentada información o conteníu. El Conceyu nun asume responsabilidá dalguna, yá sía directa o indirecta, respectu de cualquier tipu de discutiniu, disputa y/o pleitu que pudiera derivase de la publicación, divulgación y/o espardimientu de los conteníos apurríos ensin el preceptivu consentimientu de los sos lexítimos titulares.

El Conceyu va respetar tolos Derechos de Propiedá Intelectual o Industrial sobre la información o conteníu unviáu polos usuarios. Cualquier vulneración de los Derechos de Propiedá Intelectual o Industrial va ser responsabilidá de la persona qu'apurra la información o conteníu. El Conceyu, pola mera recepción del conteníu, nun recibe del usuariu llicencia dalguna de propiedá intelectual o industrial, polo que nun va faer usu del conteníu salvo aceptación espresa del so titular.

6 PROTECCIÓN DE DATOS

De conformidá colo dispuesto nel artículu 5 de la Llei Orgánica 15/1999, de 13 d'avientu, de Protección de Datos de Calter Personal (LOPD), infórmase que los datos personales apurríos polos usuarios que se rexistren nel Sitiu Web van ser incorporaos nel ficheru SERVICIOS TELEMÁTICOS rexistráu baxo la titularidá'l Conceyu d'Uviéu, cola cuenta de tramitar y xestionar la so alta na plataforma de participación ciudadana.

Al participar na plataforma, infórmase-y que siempres que realice dalgún tipu de comentariu va apaecer el nome d'usuariu col que se rexistrara.

Podrán exercitase los derechos d'accesu, rectificación, cancelación y oposición nos términos previstos na precitada Llei, por aciu comunicación escrita empobinada al responsable del ficheru: Asesoría Xurídica - Conceyu d'Uviéu - Plaza de la Constitución, 1 - 33071 UVIÉU (Asturies).

Al rexistrase nel Sitiu Web, l'usuariu acepta'l tratamientu de los sos datos nos términos y condiciones enantes indicaos.

7 LLEI APLICABLE

La llei aplicable en casu de disputa o conflictu d'interpretación de los términos que conformen estes Condiciones d'usu, según cualquier cuestión rellacionada colos servicios del presente portal, va ser la llei española. Cualquier disputa, discutiniu o reclamación derivada d'estes condiciones d'usu, o l'incumplimientu, rescisión o invalidación d'estes, van resolvese puramente ante los xulgaos competentes.

8 REVISIÓN DE LES CONDICIONES D'USU

El Conceyu acútase'l derechu de revisar les presentes Condiciones en cualquier momentu y por cualesquier razón. En dichu casu, los usuarios rexistraos van ser informaos, y si siguen utilizando'l Sitiu Web, van entendese aceptaes los cambeos introducíos.