Plan HUCA

Plan HUCA

Este proceso corresponde a la ordenación del recinto urbano en torno al antiguo Hospital Universitario Central de Asturias
Plan HUCA_actualizado
El «Plan HUCA» propón un programa d'actividaes que se desendolquen nos meses de payares, avientu y xineru, pa empezar a usar d'un mou diferente y pensar nel futuru d'un espaciu mui significativu de la nuesa historia.
Esti procesu correspuende a la primer de les cinco fases establecíes dientro del Protocolu d'Actuación pa la Ordenación del recintu urbanu al rodiu l'antiguu Hospital Universitario Central d'Asturies, firmáu pol Principáu d'Asturies y el Conceyu d'Uviéu.
El procesu inclúi la realización d'actividaes venceyaes al recintu al rodiu'l vieyu HUCA pa la ciudadanía que permitan mostrar la situación actual de la edificación, esperimentar usos y actividaes culturales, d'ociu, educatives o productives, y al empar pensar un diseñu nuevu y equipamientu pa los espacios llibres, valorar qué edificios pueden ser rehabilitaos o cuáles han de ser valtiaos, qué nueves edificaciones o espacios verdes han de facese, siempre dende la sostenibilidá y viabilidá de les propuestes.
L'oxetivu ye definir de mou concretu les bases y pautes del concursu d'idees que correspuende a la fase siguiente d'actuación del protocolu, atendiendo tanto al mesmo como a los intereses ciudadanos y d‘axentes organizaos; al empar que se xeneren les condiciones afayadices pa propiciar, mientres tanto, la utilización del recintu polos sos vecines y vecinos.
Nuna primer fase, el programa d'actividaes desendolcó visites al recintu del vieyu HUCA pa que tola ciudadanía interesada pueda reconocer la so situación actual y posibilidaes de cara a la tresformación futura d'esta gran pieza urbana de la ciudá d'Uviéu.
Tamién se fixeron actividaes participatives nel espacio públicu nos barrios d'El Cristo y Buenavista y en diferentes lugares significativos de la ciudá d'Uviéu, col oxetivu de recoyer información ciudadana de la mayor diversidá de población posible. Habilitáronse espacios físicos permanentes pa la recoyida d'información y caltuviéronse reuniones colos axentes más venceyaos al oxetu del procesu.
Nuna segunda fase, colos resultados recoyíos al traviés de los diferentes mecanismos, trabayóse en diversos talleres de cara a: definir unes pautes de diseñu y uso que formarán parte de les bases del futuru concursu d'idees correspondiente a la siguiente fase del protocolu, y unos usos temporales a lo llargo del periodu del «mientres tanto» como catalizadores potenciales d'actividá nel entorno a lo llargo del procesu de reordenación.

Nesti momentu, el Plan HUCA fina y queremos compartir los resultaos pa qu'ente tola ciudadanía se validen les grandes directrices que van marcar el futuru del recintu al rodiu'l vieyu HUCA.

Pues ampliar información en: www.plan-huca.com