- Ameyoren la comunicación ente'l Conceyu, como institución, y los vecinos y vecines d'Uviéu.
- Garanticen mayor tresparencia y eficacia na xestión municipal yá que l'alderique avérase a la ciudadanía y los vecinos y vecines conocen en qué proyectos va a gastase el dineru recaldáu polos nuestros impuestos.
Crear unos presupuestos participativos supón apostar por un procesu abiertu a tol mundu, que fai posible la participación directa de tolos ciudadanos y ciudadanes, apostando pola corresponsabilidá, la democracia directa, pa fomentar la reflexón y creación en comuña.
La democracia directa espresada al traviés d'asamblees vecinales sustitúi a la democracia representativa y suspende l'artificial separación que los poderes públicos protagonizaron nos últimos años al respective de la ciudadanía.
Esti modelu nun se plantega como una alternativa a la democracia sinón como una democracia alternativa, yá que representa un cambéu na xestión de los asuntos públicos, por aciu del cual los ciudadanos y ciudadanes deciden cómo se gasta parte del presupuestu municipal, interviniendo directamente con propuestes d'execución o meyora d'infraestructures y/o la realización de nueves actividaes.