¿Qué ye un presupuestu participativu?

¿Qué ye un presupuestu participativu?

Nesti apartáu desplicámoste en qué consiste esta ferramienta de xestión y participación.
« Tras

¿Pa qué sirven los presupuestos participativos?

¿Pa qué sirven los presupuestos participativos?
¿Pa qué sirven los presupuestos participativos? 30-11-2015

L'oxetivu principal d'un presupuestu participativu ye la participación directa de la ciudadanía pa establecer les principales demandes de los vecinos y vecines; facer y ameyorar la ciudá. Podría dicise que los Presupuestos Participativos constitúin la estratexa de coxestión local más ellaborada que s'aplica na actualidá p'afondar na democracia, promover el desenvolvimientu local y frenar procesos globales qu'alloñen a la ciudadanía de los asuntos públicos.

Los presupuestos participativos del conceyu d'Uviéu persiguen el perfeccionamientu de la democracia representativa local por aciu de práctiques de democracia directa. Obviamente tán llindaos pola complexidá formal de la democracia representativa, qu'evita que determinaes partíes presupuestaries (gastos de personal, amortización de delda, gastos financieros…) puedan destinase al alderique públicu. Sicasí, sí ye posible destinar un porcentaxe como'l mentáu de los gastos d'inversión a los presupuestos participativos, esto ye, que la ciudadanía d'Uviéu va poder llevar a cabu por fin y directamente la construcción participativa d'un proyectu vecinal de ciudá, que ponga l'acentu nes persones.