El presupuestu participativu ye una ferramienta de participación y xestión de la ciudá, por aciu la cual la ciudadanía puede conocer y proponer sobre'l destín y configuración de parte del presupuestu municipal. En concretu, nel casu d'Uviéu, acútase pa la xestión de los Distritos un 1% de les inversiones.
Los presupuestos municipales estrémense n'ingresos (qu'inclúin impuestos, tases y otros tributos, tresferencies, ingresos por patrimoniu y delda pública) y en gastos (de personal, gastos corrientes, gastos financieros, tresferencies, inversiones y amortización de delda).